GOXO-GOXO Egitasmoa

Urrian martxan jarri berri dugun egitasmoa dugu GOXO-GOXO.  Ikastolak bere ateak zabaltzen dizkie 0-2 urteko haurrei eta haien guraso edo zaintzaileei.

 

Hamabortz egunero ordu eta erdiz familiak biltzen dira, goxo-goxo egoteko. Haurrak goxo badaude, gurasoak goxo egonen dira. Eta aldi berean, gurasoak goxo egonez gero, haurrak goxo egonen dira.

 

Asteartetan elkartzen dira, 10:45ean, eta 12:15 arte egoten dira gela batean, eta beti gai bat lantzen dute; psikomotrizitatea, jolasak, kantuak, esperimentazioa…