Tantaia bada “Tantai”-rumairun, edo Tantirumairu ere bada Tantaia. Tantaia da elkarlanean altxatzen den arbola. Indarra eskatzen du, koordinazioa eta abilezia. Bulkada kolektibo batek sortu zuen Tantirumairu duela 50 urte. Baina Tantirumairun ere badago “Iru”. Ez delako nahikoa soilik bulkada bat. Tantirumairun bagaude hiru. Sorrerako bultzatzaile eta gurasoak, urte hauetako generazioak, eta oraingo eta biharko ikasleak. Enborretatik sortu ziren adarrak. Adarrak eta makilekin jostatu ziren umeak zirenak. Makilekin jostatu, dantzatu, kantatu, baita borrokatu ere batzuetan ... eta hazi, eta hezi. Handituz joaten dira gorputzak, mermatzen hasten diren arte. Enborra zena makilak, makilak zirenak ziriak. Sua bizirik mantentzen dutenak. Lan erraldoia delako ttikia izanik irautea. Tantaia ere badirelako, adaxkak, ziriak eta pospoloak. Euskaraz sortzen eta bizitzen segitzeko; ikasten, aldatzen ... baina hasierako Tantaia izaten.